منتديات اهات العشاق
انت غير مسجل لدينا الرجاء قم بالتسجيل او تسجيل الدخول رجاّ




 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 يالفجرت الگباب .... قصيدة لطم

اذهب الى الأسفل 
كاتب الموضوعرسالة
عمر
مديــــر المـــــنتدى
مديــــر المـــــنتدى
avatar

ذكر
الحمل عدد الرسائل : 625
العمر : 28
موقعك المفضل : http://ahatoshak.yoo7.com
المزاج : ريالي
المهنه :
pnbsp& :
السٌّمعَة : 0
نقاط : 4491
تاريخ التسجيل : 26/09/2008

مُساهمةموضوع: يالفجرت الگباب .... قصيدة لطم   الأحد نوفمبر 23, 2008 9:28 am

يالفجرت الگباب ** نشرحلك الأسباب ** إسمع خبرهه
چي جده داحي الباب ** من أشرف الأنساب ** شخصك بغضهه
وبمرقد المعصوم ** حقدك تصبه اليوم
غدرك فجرهه
*********************************
(1)
گالوا يهذي الأحمد لمن ..... راد الصحيفه
من حرفوا دين الله وشرعه ..... بيوم السقيفه
من الأول والثاني وثالث ..... كلمن بكيفه
نكروا علمه لحيدر كله ..... وشسوة سيفه
إتصور عن أيزيد الفاسق ..... گالوا خليفه
يتصور لو فجر روحه ..... ربنه يضيفه
لو فجر الأيتام ** تفرح أله الظلام ** وأتهني أخوته
هذا الجهاد أوهام ** يشبه حكم هدام ** ومتاني موته
ميهمنه كل أعدام ** شيعة أحنه للأسلام
غدرك فجرهه
(2)
عاين للتاريخ وشاهد ..... شوف الملاحم
شيعة حيدر ماتتوانه ..... ضد الظوالم
لا للذلة ولا ماتخضع ..... صدگني واهم
مايمنعنه أرهابي ولا ما ..... يمنعنه حاكم
وإنته مجرب ردنه شلونه ..... وشفت الصوارم
شفت المهدي أجيوشه شسوت .... لجل الفواطم
نحرگ عليك الكون ** وردنه بمئات أيكون ** لجل المراقد
يصبح دمع العيون ** نار ونصبه أجنون ** فوگك يحاقد
تدري إنته كل الزين ** نوفي أحنه لجل حسين
غدرك فجرهه
(3)
خل واحدكم يوگف لحظة .... أيحاسب ضميره
أيشوف ألمن فجر بالعبوة .... وينشد أميره
هذا الفجر طفله وشايب .... هم عنده غيره ؟
يحسب روحه اليوم مجاهد .... يگطع ظفيره
منين الفتوى العندك تسمح .... وبيا جريره
تخطف طفلة وتحرگهه .... مو هاي أسيره
حاججني بالقرآن ** من أطلب التبيان ** واضح ذكرهم
ولعترة الرحمن ** رب الأنس والجان ** وجب نحبهم
من خوة العباس ** متعلمه هاي الناس
غدرك فجرهه


(4)
رد ت هذا اليوم أحقادك .... تنسف منارة
وعفت أسرائيلي إبدارك .... يبني سفارة
نفس الماضي اليوم اتعيده ... ونفس الحقارة
چن طلحة الخان بحيدر ..... لجل الأمارة
أجرام أدون كل تاريخك ..... هايه آثاره
چم كوم أطفال الفجرته ..... وتعلن بشارة
چم دولة للأرهاب ** تفتح أله الأبواب ** وتصدره لينه
بس الوكت دولاب ** باچر يصير احساب ** واتبوس أدينه
تزحفله چم مليون ** كلهم علي أينادون
غدرك فجرهه
(5)
رد لأرضك حرر قدسك .... شنهو الجرالك
وأرض الجولان العفته .... أستنكر أعمالك
خايف ليش أتواجه أنته .... أتراقب خيالك
فالح تذبح طفل وطفلة .... تعلم أطفالك
رايد تدخل أنته الجنه .... وتسلم عبالك
لا ماتشتم ريح الجنة .... وهايه أفعالك
شمافجرت بالناس ** من غيرة العباس ** نوفي للعترة
أگطع بعد بالراس ** ميزل أبد الأحساس ** ميهزه شعرة
من الذبح منخاف ** شما حاولت الأجلاف
غدرك فجرهه
(6)
لا ما نعفي ولا منسامح .... صبرك علينه
نشوفك ياهو اليضحك تالي .... وإيسره دينه
من يستقبل يوم المحشر .... الهادي نبينه
ومن يدخل نيران الباري .... ومن تعمه عينه
ألنه الزهرة أهناك أتنادي .... لمن تجينه
تشفع عند الباري البضعة .... وتاخذ بدينه
يم بضعة المختار ** ويم حيدر الكرار ** أهناك أنتعاتب
والحرگوا ألهه الدار ** والفجروا الأطهار ** كلهه أتحاسب
نفس الغدر مرتين ** صار أعله أم حسين
غدرك فجرهه


_________


لن يؤلمني .... أن تطعنني ...
فلخنجرك الأول طعم الجرح ...
شللٌ .. صاب جروحي ...
إطعن فأنا لن أشعر ...



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahatoshak.yoo7.com
 
يالفجرت الگباب .... قصيدة لطم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اهات العشاق :: ::||[قسم الشعر الشعبي||]:: :: قسم الشعر-
انتقل الى: