ابوذيات روعه انشاء الله تعجبكم

عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه

هموم هواك ما خلــــــــن .. علي حال
فريضة وحبك مــــــــــــــــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـه

عسا بعدك كصير العمر لا طال
يمن وجهك بعد عالعين لا طال
ردي حظي ولشخصك ابد لا طال
لون محظوظ كلك بين اديه

صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيليك يوم هم تحتاج فيه

يامن فاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الجان اليه

الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه

اذوبن شمعه واتامل تمر مر
عزيز الكلب بفراكك تمرمر
اسالك هم ضكت مرة تمر مر
وانه البرحي انكلب حنضل عليه

سهوله الناس عندي وانته راسي
سفن غرقت ببحري وانت راسي
حبيبي انت وصديقي تاج راسي
واعز منكم تره ماكو اليه

نشم عطرك يا الغالي من هوانه
ونحب كلمن يحبنه من هوانه
شتضن اكدر اعوفك ومنهو انه
لو عفتك مصيبه تحل عليه

عليك اشكد رجف قلبي وداري
ولجل عينك بعت ملكي وداري
اضن تعلم بضيمي وداري
شكد احبك ونت تضحك علية

احركني مثل الشمع
ودوس الكلب والروح
واترس عيوني دمع
واملي الضلوع جروح
ابقى احبك للابد
شما تقسى وشما انوح
وتبقى اعز البشر
لاخر نفس بالروح

عليك الدمع صار ابحور وانهار
وحزن كلبي عليك اليوم وانهار

ردت ليله اعيش وياك وانهار
ومن دونك احس الموت بيه

لجل حبك صرت لناس شلال
ودمع العين الهجر شلال
اذا انت الجرف وتصير شلال
اصير الك جبل غصبا عليه

صرت كهوه لحبيبي بوسط فنجان

فن انس الي يوصله فن جان
اذا العاقل نضرلك نضره فنجن

وانه المجنون وتكلي انظر اليه

لاراهب عرب عندي ولاقس
ولا ليلى ابتلت مثلي ولاقيس
بعد ما احسب بعد هجرانك ولاقيس
رضيت اشما يجي منك عليه

بعد روحي حبيبي وبعد العيون
شعلينه بحجي الناس الي يلومون
مر بيه وامر بيك وبروحي اخليك
كثر عشاك مو مثلي يحبون
بعد روحي حبيبي وبعد العيون

سلمت يدأك يامبدع يسلمووووووووووو

وتحياتي لكـ

ونررررررريد اكثر واكثر انشاء الله حبي دمت دوم مبددددع

الله عليك يا طيب تسلم على الموضوع الجميل وسلمت يداك

وتقبل مروري

زائر

قمة في الروعه والجمال

تحياتي لك

زائر

» ابو ذيات روعة انشاء تعجبكم
» ابو ذيات روعة انشاء تعجبكم
» زهيري روعه ادخل وشوف
» صور رومنسيه روعه
» موضوع روعه..... للشباب فقط